KONTAKT
 
 
 
Meny
 
 
 

Fantastiske Osberget

Telefon: 70 00 90 90
E-post: post@osberget.no

Kontakt ein tilsett direkte

 

 

Kontakt oss for eit
uforpliktande møte! 


Det er ikkje alle sogelag som har ein verdsmeister på framsida av årsskriftet.
Det er ikkje alle sogelag som har ein verdsmeister på framsida av årsskriftet.

Fenomenet Karsten Warholm

Vi let oss begeistre over fenomenet Karsten Warholm. Ein ting er å bli verdsmeister ein gong, men å gjere det på nytt er ein utruleg bragd. Gratulerer med nytt gull! I 2018 skreiv Knut Arne Høyvik ein artikkel for å finne litt meir ut kven guten er.

Saman med  oldefar Karsten Rise.

Knut Arne skriv innleiingsvis – Redaksjonsnemnda i Levd liv ba om ein artikkel om Karsten Warholm i Levd Liv 2018. Ikkje fordi han er historie, men fordi han er historisk. Dette er ein artikkel der vi berre har snakka litt med Karsten, denne artikkelen byggjer ikkje på eit intervju med han, men ved å snakke litt med dei som er nær han for å finne litt meir ut kven guten er.

Lenger ut i boka skriv Knut Arne: – Karsten var ein aktiv gut som likte å springe. Det fortel farmor Kristine Warholm som tolmodig tok tida med ei gamal stoppeklokke dei har. Karsten konkurrerte mot seg sjølv. Han var om lag fire år, og løypa gjekk gjennom gangen inn i stova og ei runde rundt salongbordet. Farmor tok tida, og guten var ikkje heilt nøgd, men la ut på ei ny runde for å forbetre tida frå sist. Konkurranseinstinktet er mest sannsynleg medfødt, det same er pågangsmotet.

Karsten gav seg aldri då heller, og farmor kunne bli litt lei av å ta tider på gutungen. Men i dag er ho berre stolt av guten som har gitt dei så mykje glede.

Om du ynskjer å lese heile artikkelen kan du kjøpe Levd liv 2018 her.

Høgskulen i Volda.
Høgskulen i Volda.

Kontrakt med Høgskulen i Volda

Fantastiske Osberget har i desse dagar inngått ein 2-årig avtale med Høgskulen i Volda om visuell profil, rådgiving og grafiske tjenester. Og med opsjon på ytterlegare to år.

Dette er ei større kontrakt for Fantastiske Osberget. Høgskulen i Volda er ein av dei største kompetanseorganisasjonane i fylket med om lag 4000 studentar og 350 tilsette.

Osberget skal i første omgang gi tilbod på ny trykt studiekatalog, digitale annonser og stands. I tildelingskriteriet scora Osberget høgt på kompetanse, leveranse og gjennomføringsevne. Samt at vi har god erfaring og kan vise til ei rekke referanser på liknande oppdrag. 

– For oss i Fantastiske Osberget er dette ei fantastisk ære og bli tildelt eit slikt prestisjefullt oppdrag. Takka vere dyktige medarbeidarar, så fekk vi dette oppdraget, seier dagleg leiar Åge Grimstad. – Dette gler vi oss stort til og ser fram til eit kjekt samarbeid med Høgskulen i Volda.

Faksimile frå Møre torsdag 15. august 2019
Faksimile frå Møre torsdag 15. august 2019

Jamn og god vekst

Dale Vindu & Interiør har hatt ein god og jamn vekst sidan start, skriv avisa Møre. Selskapet har fått hovudoppslaget i avisa frå torsdag 15. august 2019, og med det ein god omtale av selskapet.

Osberget leverer nettside til selskapet. Nettsida har fokus på produkt og tenester selskapet leverer. Vi arbeidar i desse dagar med ein timesbestillingsfunksjon som skal gjere det enklare for kunden å avtale eit møte med ein av dei tilsette i selskapet.

Klikk her for å sjå sida.

Du kan lese artikkelen i nettutgåva av Møre her (bak betalingsmur).

Nokre av den kreative gjengen som er samla på Geileneset.
Nokre av den kreative gjengen som er samla på Geileneset.

Kreativt fellesskap slår gnistrar på Geileneset

I store, opne lokale på Geileneset i Ulsteinvik har det samla seg ein gjeng med kreative utøvarar. Her nyt dei den sjønære utsikta - med vindauge som strekk seg frå golv til tak. Kanskje er det nærleiken til havet som har tiltrekt seg så mange kreative sjeler frå ulike fagområder? Uansett oppstår det ein vakker symbiose når mange kreative krefter er samla på ein stad.

På bildet ser du framme frå venstre Per Eide (Per Eide Studio), Håkon Brandal, Rakel Ellingsen (begge Fantastiske Osberget) og Cecilie Hatløy (Fotograf Cecilie Hatløy). Bak frå venstre Magne Grimstad jr., Synne Øye Myrvold og Åge Grimstad (alle Fantastiske Osberget). Ikkje alle våre medarbeidarar er med på bilde, bl.a manglar Hildegunn Welle og Stine Johnsen manglar på bilde. I bakgrunnen skimtar du den nesten trolske stemninga - eit krydder for inspirasjon og skaparglede. Det smakar! Det er ikkje mørkt, det er dunkelt og blått. Det er ikkje jobb, det er glede og samspel.

Fellesskapet på Geileneset kan hjelpe deg med blant anna film, nettside, foto og trykk. Dei spelar på kvarandre sine styrker og eigenskapar, og saman med andre kreative er det enklare å utveksle idear og å samarbeide om prosjekt.

Gjengen på Geileneset lovar at om du tek turen innom, byr dei på kaffi og eit smil. Trivselen kjenner du når du går inn døra. Fellesskapet har mykje å by på til ein kvar besøkande, og kanskje legg de saman ut på ei kreativ reise – kort eller lang, lita eller stor. Men alltid mot noko nytt og spennande.

Frå venstre: Lokalhistorikar Aksel Hauge, kreativ medarbeidar Rakel Ellingsen og dagleg leiar Magne Grimstad jr. med det første eksemplaret av Julestjerna.
Frå venstre: Lokalhistorikar Aksel Hauge, kreativ medarbeidar Rakel Ellingsen og dagleg leiar Magne Grimstad jr. med det første eksemplaret av Julestjerna.

Julehefte for Ulstein

Julestjerna er så vidt vi kjenner til det første juleheftet som er laga der innhald og skribentar er frå bygdene her i Ulstein, seier utgjevar Magne Grimstad jr. i Osberget. Julestjerna er eit hefte med mange og ulike fortellingar.

I samarbeid med lokalhistorikar Aksel Hauge har Osberget laga eit vakkert og innhaldsrikt julehefte etter inspirasjon frå Herborg Kråkevik og hennar julehefte Juleroser. – Eg trur ikkje det er mange som kjenner til at Ulstein hadde ei julegryte der pengane som kom inn skulle gå til julefeiring for dei trengande i Ulstein, seier Aksel Hauge. Meir om dette og bilde av julegryta kan du lese om i juleheftet.

Heftet har fått namnet Julestjerna. Namnet er henta frå julestjerna som lyser over Ulsteinvik kvar jul. – Vi ynskjer at julemagasinet Julestjerna skal bli eit felleseige og lyse opp i juletida på lik linje med julestjerna, seier Grimstad. Innhaldet i Julestjerna er i hovudsak artiklar frå tidlegare utgjevingar ved Osberget. Det er fortellingar, dikt, songar eller foredrag som tidlegare er gitt ut eller framført. Vi kan bl.a lese om julefestane i Hasund og Dimna, julegryta, juleskikkar, jordmor Oddny Holte, mjølsekken og eit dikt om gardsvorden (nissen). Dagfinn Olav Bye har skrive ned eit foredrag han har hatt om jul og juletradisjonar. Her kan du lese at mange strødde halm på golvet i stova, fordi menneska ikkje skulle ha det betre enn frelsaren. Også dei underjordiske måtte ha sitt julekvelden. Mellom anna sette ein ut graut til nissen.

Med gjenbruk av tekstar så held heftet seg til god juletradisjon der vi syng dei gode gamle julesongane, et den tradisjonelle julematen og les dei same fortellingane. For dei fleste fortellingane står teksta åleine og bilda kjem til slutt i fortellinga.

Julestjerna takkar alle bidragsytarane som har vore rause og delt sine fortellingar. På den måten lever historiene vidare. Juleheftet er å få kjøpt hos dei lokale bokhandlarane og på Rema.

Du kan kjøpe juleheftet hos Nordli på Amfi eller Notabene på Blåhuset. Juleheftet er også å få kjøpt hos Osberget og på vår nettbutikk.

Nokre bilde frå utvalte artiklar:

1234...37Neste
Loading...

Fantastiske Osberget    |    70 00 90 90    |    post@osberget.no