Brødrene Dahl vann pris for beste stand – vi stod for designen!

Arrangøren hadde i år slått på stortromma, med gjestar som samferdselsminister Jon-Ivar Nygård, næringslivsleiar Julie Margrethe Brodtkorb, finansminister Trygve Slagsvold Vedum, kultur- og likestillingsminister Anette Trettebergstuen, kaptein John Hammersmark (kjent frå Kompani Lauritzen), komikarduo Martin Beyer-Olsen og Christian Mikkelsen og mange, mange fleire. Messa var fullteikna og det vart rekorddeltaking.

Brødrene Dahl har i ei årrekkje delteke på Arctic Entrepreneur messa, og vi har stått for designen saman med Messetjeneste ved fleire høve. Når vi jobbar med messedesign så jobbar vi fram ulike retningar for konsept saman med kunden, der dei til slutt landar på ei som dei går for. I år valde dei store bildeflater, kort og god tekst, og plass avsett til fleire av produkta sine som vart stilt ut på golvet. I tillegg hadde dei videoar på skjerm, der vi også har stått for produksjonen. Og til stor glede for både Brødrene Dahl og oss i Fantastiske Osberget og Messetjeneste vann dei prisen for beste stand! Den fekk salsdirektør for VMT i Brødrene Dahl, Torbjørn Lothe Vik av næringslivsleiar Julie Margrethe Brodtkorb på den store “Brakkemiddagen”. Vi er sjølvsagt utruleg stolte og gratulerer Brødrene Dahl så masse.